தேர்தல் அறிவிப்பு

தமிழக உள்ளாட்சித் தேர்தல் அறிவிப்பை தேர்தல் ஆணையர் டி. சந்திரசேகரன் அறிவித்தார். தமிழ்நாட்டில் உள்ளாட்சித் தேர்தல்கள் அக்டோபர் 13 மற்றும் 15 தேதிகளில் இரண்டு கட்டமாக நடத்தப்பட்டு வாக்குகள் அக்டோபர் 18 அன்று எண்ணப் படும்.

செப்டம்பர் 20 முதல் 27 வரை வேட்பு மனுக்கள் பெறப்பட்டு செப்டம்பர் 28 அன்று பரிசீலனை செய்யப்படும். வேட்பு மனுக்களை வாபஸ் பெற செப்டம்பர் 30 கடைசி நாளாகும்.

சென்னை சேலம், கோவை மற்றும் திருநெல்வேலி மாநகராட்சிகளுக்கும் 45 நகராட்சிகள், 23 கீழ்நிலை நகராட்சிகள், 281 நகர பஞ்சாயத்துகள், 195 ஊராட்சி ஒன்றியங்கள் ஆகியவற்றில் அக்டோபர் 13 அன்று தேர்தல் நடைபெறும்.

மதுரை, திருச்சி மாநகராட்சிகளுக்கும் 57 நகராட்சிகள், 27 கீழ்நிலை நகராட்சிகள், 280 நகர பஞ்சாயத்துகள், 190 ஊராட்சி ஒன்றியங்கள் ஆகியவற்றில் அக்டோபர் 15 அன்று தேர்தல் நடைபெறும்.

மாநகராட்சி உறுப்பினர்கள், நகராட்சி, கீழ்நிலை நகராட்சிகள், நகர பஞ்சாயத்து மற்றும் பஞ்சாயத்து யூனியன் உறுப்பினர்களுக்கான தேர்தல்கள் அரசியல் கட்சி சார்ந்தும் ஊராட்சித் தலைவர்கள் மற்றும் ஊராட்சி உறுப்பினர்களுக்கான தேர்தல்கள் அரசியல் கட்சி சாராமலும் நடத்தப்படும்.